Imágenes: Paula Cermeño/ O festival internacional de cine medioambiental The Wild Cinema volve a Vigo do 5 ao 7 de setembro. Na súa sexta edición proxectará dezaseis traballos de once países, entre curtas e longametraxes. Os filmes poderán desfrutarse nunha gran pantalla led no merendeiro do Parque Forestal de San Miguel de Oia, procurando unha experiencia diferente na que a natureza é escenario e protagonista.
Tamén en vigoalminuto
- The Wild Cinema, cine ao aire libre, do 5 ao 7 de setembro, en San Miguel de Oia
- ¿Perro qué me dices?
- ‘Instagramers’ e ‘TikTokers’ aos 80
- Vigo tendrá un nuevo ‘macroparque’ infantil
The Wild propón unha viaxe audiovisual de cinco sesións para todos os públicos que percorren un amplo abano de temáticas: desde o quecemento global e as súas consecuencias, ata o activismo ecolóxico o coidado e goce da natureza ou a práctica de deportes de aventura e montaña. A programación completa por bloques pode consultarse na web do festival.
Presenza galega
Entre os títulos máis destacados figuran dúas producións galegas: o documental Testemuñas dunha illa (de Borja Duarte Quintáns, Elian Mercedes Antigua e Guillermo Artero García), que recolle a memoria da Illa de Arousa antes da construción da ponte; e A tarea (de Alfonso O’Donnell), unha inmersión na vida das mariscadoras galegas e no reto que supón o cambio climático para a súa profesión.
Prestixio internacional
Atopamos tamén dúas curtametraxes premiadas no prestixioso festival barcelonés FICMA, o máis antigo do mundo dedicado ao cine ambiental. Greenwash (Costa Rica, 2024, Andrés Bronnimann), un poema visual que denuncia o falso activismo verde con fins comerciais; e The Art of Giving (Indonesia, 2023, Mickael Couturier), que relata unha fermosa historia de solidariedade na illa de Bali.
A mirada internacional complétase con obras como When the Flood Comes (Paquistán, 2023, Nyal Mueenuddin), que percorre 3.000 km ao longo do río Indo para narrar as devastadoras inundacións de 2022; ou The Experiment (Kazajistán, 2024, Maxim Akbarov), que denuncia os efectos dunha planta tóxica instalada nunha comunidade rural.
Tamén hai lugar para a experimentación e a poesía audiovisual, con títulos como Marée noire (Canadá, 2024, Chantal Caron), que mistura danza e paisaxes nevadas para falar de especies en perigo de extinción; ou Vole… soulève toi et vole (Colombia / Francia, 2024, Paola Andrea Suesca e Tuchí Ortiz), un documental experimental que utiliza a voz das aves para transmitir coñecemento e poesía.
Outras novas
- The Wild Cinema, cine ao aire libre, do 5 ao 7 de setembro, en San Miguel de Oia
- ¿Perro qué me dices?
- ‘Instagramers’ e ‘TikTokers’ aos 80
- Vigo tendrá un nuevo ‘macroparque’ infantil
Para todas as idades
Ainda que todas as sesións son aptas para familias, os bloques do domingo inclúen propostas específicas para a infancia como La Légende du colibri (Francia, 2025, Morgan Devos), unha fábula emocionante ambientada na Amazonía; A madár gyermekei – Children of the Bird (Hungría, 2024, Julis Tudisco), que convida a imaxinar un universo mitolóxico; ou a distópica Jus d’orange (Francia, 2023, Alexandre Athané), que combina humor e crítica social nunha distopía divertida e inquietante sobre un agricultor de laranxas.
No seu conxunto, a programación de The Wild Cinema convida a reflexionar sobre a emerxencia climática, a responsabilidade individual e colectiva, e o poder do cinema como ferramenta de cambio. Obras como La generación de la regeneración (España, 2024, Saúl González Abejón), centrada no futuro do mundo rural, ofrece mensaxes optimistas e inspiradoras sobre a capacidade de cambio das comunidades.
The Wild – Programa Completo
The Wild Cinema enmarcarse dentro do festival The Wild, un evento multidisciplinar que combina música, espectáculos familiares, cine e actividades que poñen en valor a contorna do Parque Forestal de San Miguel de Oia. Na súa sétima edición, que se celebra do 5 ao 7 de setembro, o certame conta con Ilegales como cabeza de cartel o sábado. Tamén subirán ao escenario os grupos galegos Neta Rufina e Dr. Salvaje, así como outras catro bandas emerxentes, que participan no concurso de talentos Salvaxesons.
No apartado familiar os xogos populares, os pintacaras e as Olimpiadas Paiasas comparten espazo coas actuacións de Cé Orquestra Pantasma e Peter Punk. Tamén se celebra a xincana de orientación Orientaventura, así como un obradoiro de danzas do mundo e catas de viño.
Entradas
As entradas para o sábado están dispoñibles en www.thewildfest.com a un prezo de 10 €. O venres e domingo a entrada é gratuíta, ao igual que para menores de 14 anos. O festival conta con zona de acampada e espazo para furgonetas con baños e duchas, reforzando o seu carácter accesible e familiar.
