O Concello de Gondomar pon en marcha a VI edición do Camiño do Irmandamento, unha cita deportiva e cultural que terá lugar os próximos 4 e 5 de outubro de 2025. Este evento busca fortalecer os lazos de irmandade entre Galicia e Portugal a través dun percorrido que conecta as vilas de Gondomar (Galicia) e Gondomar (Portugal), pasando por localidades como Caminha, Póvoa de Varzim e Porto.
Máis de 150 quilómetros
O Camiño do Irmandamento conta cun trazado de máis de 150 quilómetros, repartidos en dúas xornadas, polo que as persoas participantes deberán contar cun mínimo de coñecementos e experiencia na circulación en bicicleta por estrada.
A actividade está aberta á participación cidadá, animando a veciñanza a vivir unha experiencia única que combina deporte, natureza e confraternidade transfronteiriza.
Como destaca o alcalde de Gondomar, Paco Ferreira, “o Camiño do Irmandamento é moito máis que unha proba deportiva: é un símbolo de unión entre dous pobos irmáns, que comparten cultura, lingua e tradicións, e que se atopan cada ano a través deste percorrido”.
Rocío Goberna, concelleira de Turismo, subliña que “este evento é unha oportunidade única para dar a coñecer Gondomar e o seu entorno, fomentando o turismo sostible e a convivencia, ao tempo que se promove a práctica deportiva en contacto coa natureza. Xa temos un grupo de ciclistas que nos acompañan ano tras ano, e que agardan con ilusión esta cita, porque os momentos compartidos de convivencia fortalecen os lazos e fan desta experiencia algo moi especial”.
Outras novas
- La conselleira de Medio Ambiente asegura que Vigo recibió 4,3 millones de ayudas para la gestión de residuos urbanos
- Hacienda aprende a contar Bizum: desde 2026, todos los cobros pasarán por su lupa
- No, la baliza V16 conectada no te espía
- Una investigadora de la Universidade de Vigo, entre los galardonados en los Premios Nacionales Natac
- ‘Vientres de arena’, el documental vetado por Marruecos, se proyecta en Vigo en su camino a los Goya 2026
- Dous días de folga no ensino galego con ‘marchas fúnebres’ en 15 localidades
Inscricións
- As persoas interesadas deberán realizar a súa inscrición previa a través do correo electrónico: [email protected]. Para máis información tamén se habilita o teléfono: 678 874 985
- O prazo de inscrición remata o 29 de agosto ás 14:00 h, lembrando que as prazas son limitadas e terán preferencia as persoas empadroadas en Gondomar.
