A elaboración de todos os proxectos para completar a rede de saneamento do Porriño foi o primeiro dos pasos que levou a cabo Alejandro Lorenzo fai tres anos e medio cando accedeu á Alcaldía. “Desde o inicio do noso mandato, as obras de saneamento foron unha prioridade absoluta e a redacción destes proxectos foi o punto de partida da nosa folla de ruta”, asegura Lorenzo.
O alcalde reivindica o «esforzo económico e organizativo sen precedentes» que chegou ata os 4.654.806€ en obras, «o que representa un verdadeiro avance se o comparamos co período previo, de 2015 a 2021, no que se investiron 1,9 millóns”. Así, engade o rexedor porriñés, dende o ano 2022 executáronse unha vintena de obras; actualmente están outras dúas en execución, unha na Gulpilleira e outra na Travesía de Novás, na parroquia de Atios, que suman un importe de preto de 400.000€ e están pendentes de licitación actuacións por valor de máis de 1,1 millón euros.
“Traballamos a diario para avanzar na nosa folla de ruta. Somos plenamente conscientes de que o saneamento é unha prioridade para moitos dos nosos veciños e veciñas, pero tamén debemos lembrar que se trata dun servizo cunha altísima complexidade técnica e cun custo económico moi elevado”, comenta Alejandro Lorenzo. «Por este motivo, a súa execución ten que facerse de maneira progresiva, segundo a dispoñibilidade orzamentaria» e, aclara, «o Concello non conta cunha partida económica nin cos medios suficientes para asumir en solitario o financiamento destas infraestruturas«.
Por iso, insiste en que é imprescindible buscar colaboración noutras administracións, como a Xunta de Galicia, a Deputación de Pontevedra ou o Consorcio Augas do Louro, apoios que levaron a «mobilizar investimentos históricos nestes últimos anos, para dar resposta ás demandas de toda a veciñanza”.
Nova Concellería de Saneamento
Para atender e centralizar todas estas necesidades, sobre todo aquelas pequenas actuacións que dan
resposta a demandas particulares, dende o Concello valorouse a creación dunha concellería específica
nesta materia. Con todos os proxectos xa redactados, obras realizadas, en execución e pendentes de
licitación, súmase a próxima incorporación de sete operarios de obras e servizos, incluídos no cadro de persoal do Concello. “Disporemos de traballadores municipais que dependerán desta nova concellería
para, sobre todo, facer estas acometidas pequenas e puntuais e ir completando así toda a rede de
saneamento, combinando grandes e pequenas obras”.
Tamén en vigoalminuto
- Fin de semana con menos lluvia y más frío
- El alcalde de Crecente anuncia que no se presentará a la reelección
- Caballero vuelve a cargar contra la Xunta por la vivienda
- O celtismo saca as unllas contra a homofobia
- La Panificadora, el cuento de nunca acabar
- O Ifevi acolle este sábado o VIII Certame de Rondallas da Área Metropolitana de Vigo
Preto de 12 millóns de euro en inversións
A día de hoxe, partindo dos máis de 16 millóns pendentes inicialmente, tendo en conta a actualización de prezos, o xa executado, o que se está a realizar e máis o pendente de licitar, a cifra total de inversión que resta para acadar o cen por cen do saneamento elévase a 11.899.632,68€ que se distribúen deste xeito:
- Os Eidos-Cans 128.304,07 €
Os Eidos-Budiño 215.163,75 €
A Devesa – Folón 612.174,38 €
A Sé E Quintenla 779.427,74 €
Centeáns 688.636,14 €
Loño – Casal Do Vello 415.105,43 €
Barbeito, Madorras – Iglesia, Mosende 612.474,12 €
A Torre E Os Eidos 458.720,52 €
Pontenova 40.136,86 €
A Cantoña – Pousadela 559.891,36 €
Trapa – Fase 2 141.695,50 €
A Gulpilleira 105.833,13 €
Os Eidos, O Pombal E A Escusa 473.763,47 €
O Pomariño 78.556,19 € - O Saramagal 212.900,00 €
A Cochilra – Cadaval 145.272,58 €
O Monte 433.992,06 €
A Louriña 197.332,50 €
Sanguío 334.645,27 €
Poxeira 193.759,67 €
Acceso A San Blas 421.231,75 €
O Casal – Fase 2 130.629,35 €
Canadelo – Filgueiras 502.822,13 €
Madorras-Cavadiña 398.913,42 €
O Caeiro 471.903,45 €
As Abas – Porto de Eiras 320.564,16 €
Atios-Pontellas e Mosende 196.182,49 €
Fonteliño 45.639,95 €
Carbón – Rial 473.575,11 €
San Roque – A Areeira 21.611,35 €
Camiño Miraflores e asfaltados 120.009,65 €
A Graña E Sequeiras 742.300,60 €
Penedo – O Toxal. Chenlo 505.136,17 €
Benunes 538.529,12 €
Rega da Lama 62.658,93 €
Abelenda e Figueiras 120.140,31 €
Dereito fundamental
O alcalde do Porriño insiste en que «o acceso a un saneamento digno é un dereito fundamental, non unha opción. Por iso, investiranse eses case 12 millóns de euros que aínda son necesarios para completar a cobertura en todas as parroquias. Así, o Concello está decidido a cumprir este obxectivo con determinación e sen demoras. O saneamento completo é un compromiso firme, innegociable e prioritario”.
