Representantes da CIG, que se concentraron hoxe diante do Concello do Porriño, pediron ao Goberno municipal a paralización do Servizo de Axuda non Fogar (SAF) «mentres non se garanta a seguridade» das súas traballadoras. A medida solicítase logo do asasinato de Teresa Jesus, de 48 anos, a mans do home dunha das mulleres ás que coidaba.
Tanto os representantes sindicais como as súas compañeiras, cren que non teñen garantida a súa seguridade e, logo de lamentar que «con Teresa chegamos tarde«, esixen «medidas reais» para evaliar, en cada domicilio. Nesta liña lembraron que a denuncia de Teresa- que o día anterior comunicara ao sindiato e á propia empresa a situción de acoso sexual que padecía por parte do seu presunto asasino- non foi suficiente.
O Concello do Porriño se personará na causa
O alcalde do Porriño, Alejandro Lorenzo cualificou, en rolda de prensa, o día de onte como “un dos días máis tristes e escuros deste Concello e tamén para min, no plano persoal, como alcalde do Porriño”, e trasladou, en nome de toda a veciñanza, as condolencias á familia de Teresa, así como “todo o noso cariño e apoio absoluto neste momento tan tráxico”.
Durante a súa intervención, Lorenzo anunciou que o Concello do Porriño se personará na causa e
asegurou que se actuará “con firmeza” para que se esclarezan os feitos e se depuren todas as
responsabilidades. “O Concello personarase na causa. Tomaremos medidas contundentes, depurando responsabilidades, sexa quen sexa o responsable: órgano, empresa ou persoa física”, afirmou.
O alcalde fixo un chamamento directo para que os traballadores e traballadoras denuncien calquera situación de risco ou violencia ante os órganos competentes: “quero pedir a calquera traballadora ou traballador, sexa cal sexa o servizo que estea prestando no Concello ou non, que se ten constancia de calquera situación de risco, que denuncie. Desde o Concello actuaremos”.
O suposto asasino, custodiado no Cunqueiro
Polo que se refire ao presunto autor do crime, o home de 73 anos que acabou coa vida de Teresa empregando unha machada, está custodiado no Hospital Álvaro Cunqueiro, onde vanlle realizar exames psiquiátricos. A previsión é que declare o xoves ante o xuíz.
