O Bloque Nacionalista Galego (BNG) critica que o Goberno de Abel Caballero siga sen responder as máis de 4.500 alegacións formuladas ao novo Plan Xeral de Ordenación Municipal (PXOM). A fronte nacionalista tacha de “violencia institucional” contra a veciñanza e colectivos sociais que se dilate a resposta cando pasaron 1.282 días de que finalizase o período de exposición pública en xaneiro de 2022.
Así, o portavoz municipal do BNG de Vigo, Xabier P. Igrexas, cualificou de “un novo patadón para diante” da concelleira de Urbanismo, que afirmou este martes, ante a interpelación nacionalista, que as alegacións van ser respondidas unha vez entre en vigor o novo Plan Xeral, cuxa publicación no Boletín Oficial da provincia de Pontevedra (BOPPO) está prevista para dentro de varias semanas.
Tamén en vigoalminuto
- A reforma do Cine Fraga respectará a intervención xa realizada por César Portela
- Estrellas internacionales para el 25º aniversario de O Marisquiño
- Vigo tendrá una tasa turística de entre 1 y 2,5€, al día por visitante
- Un torneo 3×3 de baloncesto para jugársela en el Galicia Fest
- La Valedora do Pobo admite a trámite la denuncia contra el “abandono” de las instalaciones deportivas de Vigo
- Empiezan las obras de las rampas mecánicas de Pintor Colmeiro
‘Vuelva usted mañana’
Igrexas reprochou que o Goberno de Caballero se instalase nun permanente ‘vuelva usted mañana’, a pesar de estar obrigado a contestar cada alegación cunha resolución motivada e individual. Lembrou a ese respecto que o propio Goberno local fixou como prazo de resposta a aprobación provisional, en decembro de 2023, e posteriormente anunciou que se efectuaría coa aprobación definitiva, o pasado 26 de maio deste ano.
Porén, as viguesas e vigueses e as entidades que alegaron contra “un PXOM elaborado na escuridade dos despachos” continúan sen recibir resposta, malia as reiteradas demandas do Bloque durante a tramitación, que cualifican de “opaca e nada participativa”. Para o portavoz municipal esta demora “o único que busca é dificultar” que as persoas afectadas poidan acudir á vía do recurso contencioso-administrativo unha vez aprobado.
“Un PXOM imposto”
Dende a fronte nacionalista insistiron na importancia das alegacións como único medio para que a veciñanza poida trasladar as súas demandas, propostas e suxestións sobre o planeamento. Igrexas considerou esta falla de resposta a “demostración” de como o Plan Xeral “foi imposto ao servizo dos poderosos intereses dos de sempre polo rodete absolutista de Abel Caballero”.
Igrexas criticou tamén a “estafa” de que a cidadanía viguesa non puidese alegar ao mesmo PXOM que finalmente se aprobou polos cambios introducidos “pola porta de atrás” após a aprobación provisional. Entre eles, puxo como exemplo. a “legalización do pelotazo urbanístico dos chalés VIP” de Cabo Estai ou o “arrase” de 24 mil metros cadrados de carballeira na Barroca en Navia.
“Violencia institucional”
Por último, o portavoz municipal do BNG tachou esta decisión de “pura e dura violencia institucional” por reducir a un “trámite aparencial” a exposición pública e vulnerar, na práctica, os dereitos da veciñanza e do tecido asociativo. “Un escandaloso exemplo de urbanismo de barra libre para os de sempre pola vía dos feitos consumados”, remachou.
