A Xunta de Galicia vén de iniciar as obras do novo treito da autovía Tui-A Guarda, entre o enlace do polígono de Areas e a PO-350, que discorrerá por Tui e Tomiño. María Martínez Allegue, conselleira de Vivenda e Planificación de Infraestruturas, visitou o inicio dos traballos, nos que a Administración autonómica inviste 17,8 millóns de euros e que teñen un prazo de execución de 24 meses.
A conselleira destacou que co arranque desta obra dáse outro paso para seguir avanzando nesta estrada AG-42: o tramo de actuación suma 3,2 quilómetros que dan continuidade ao treito de conexión da A-55 co polígono de Areas posto en servizo o pasado ano. Cada unha das calzadas terá 2 carrís de 3,5 m ancho, e a autovía contará con amplas beiravías tanto no exterior como no interior.
Ademais, entre outras actuacións, melloraranse camiños de servizo en Tomiño, ampliarase a ponte de pedra na PO-350, moi próxima ao enlace da autovía, que a día de hoxe non permite que se crucen dous vehículos pesados. E duplicarase o paso inferior de acceso ao polígono de Areas. “Polo tanto -afirmou Allegue-, este treito é clave tamén para facilitar o acceso e a mobilidade neste polígono, un enclave empresarial estratéxico”.
Tamén en vigoalminuto
- KLM conectará Santiago de Compostela con Ámsterdam, a partir del próximo verano
Se suma a los vuelos a Nueva York y abrirá la puerta a decenas de destinos europeos y de largo radio a través del hub de Schiphol - En peligro 1,9 millones recibidos por el Concello para bonificar viajes en Vitrasa
Por la falta de implantación de las Zonas de Bajas Emisiones - Vigolandia vuelve al IFEVI con cinco días de ocio infantil, grandes hinchables y animación
Del 26 al 30 de diciembre con atracciones gigantes, talleres y actividades para niñas y niños de 6 a 13 años
A conselleira subliñou que a autovía estase a executar “cunha planificación realista, por fases, que estamos a materializar”, avanzando de acordo a ese plan e ao trazado deseñado, dialogado cos principais axentes institucionais e económicos implicados.
