A praia de Silgar acolleu este xoves a presentación oficial do Arena 1000 Sanxenxo, unha das citas máis destacadas do verán no calendario estatal de balonmán praia. A competición, que se celebrará do venres 4 ao domingo 6 de xullo, convertirá Galicia no epicentro do balonmán praia estatal, coa participación de máis de 150 equipos e 2.000 deportistas de todo o país.
O Arena 1000 Sanxenxo será a única proba do circuito Arena Handball Tour que se celebre en Galicia, convertendo a praia de Silgar nun auténtico estadio de balonmán praia ao aire libre, con oito pistas en paralelo e partidos en horario de mañá e tarde.
19 equipos galegos
Entre os/as participantes, haberá unha importante representación galega, con 19 equipos galegos clasificados a través do Torneo Deputación de Pontevedra, que competirán nas categorías infantil, cadete, xuvenil e sénior, tanto feminina como masculina.
As finais do domingo retransmitiranse por Teledeporte, ofrecendo visibilidade ao evento en toda España, mentres que o resto da competición da pista central poderá seguirse en streaming durante toda a fin de semana.
