O presidente da Deputación de Pontevedra, Luis López, vén de anunciar a adxudicación do plan de viabilidade para o proxecto de construción dunha vía verde entre Pontevedra e Redondela, polos treitos en desuso da antiga vía do tren á Fundación dos Ferrocarrís Españoles, unha entidade de referencia a nivel nacional na reconversión de antigos trazados ferroviarios en sendas peonís.
“Seguimos traballando no proxecto e aproveitando a oportunidade que se nos abre, toda vez que o Ministerio de Transportes, a través do Adif, amosou a súa disposición a ceder as vías deste treito”, afirma López.
Tamén en vigoalminuto
- O martes saen á venda as entradas para Vanesa Martín e o mércores para Jason Deluro
- El ‘ascensor inclinado’ de Camelias, volverá a funcionar desde este lunes
- La Justicia desestima el recurso del Concello de Vigo y ratifica que la gestión de la presa de Eiras corresponde a Augas de Galicia
- Crsitóbal Montoro habría obtenido de la Agencia Tributaria datos reservados sobre políticos y famosos
- Luis López anuncia unha partida de 4,4 millóns para a conservación de firmes das estradas da rede viaria provincial
- Arrestado tras agredir a su ex pareja golpeándole la cabeza contra una pared
Proxecto para unir Vigo e Vilagarcía por unha senda peonil e ciclista
Esta Fundación asume o encargo para realizar un estudo que analizará cuestións fundamentais para a execución do proxecto como o estado actual da vía, as alternativas de trazado e un deseño preliminar, a dispoñibilidade xurídica do trazado proposto, os servizos complementarios e a potencialidade da vía en canto a patrimonio cultural e entorno natural.
A adxudicación deste proxecto supón un novo paso adianta no “impulso dun proxecto que é estratéxico para a provincia” que ten como obxectivo final unir as cidades de Vigo e Vilagarcía cunha senda peonil e verde polo antigo trazado da vía do tren.
