O Bloque Nacionalista Galego (BNG) manifesta o seu total rexeitamento ao feche da oficina postal do Porto de Vigo, unha decisión que cualifican como “ilóxica” e que consideran un novo recorte no servizo postal público na cidade.
Xabier P. Igrexas, portavoz municipal do BNG, anunciou que levarán este asunto ás Comisións Informativas e ao Pleno do Concello para demandar ao alcalde, Abel Caballero, que esixa ao Goberno central a reapertura inmediata desta oficina e a reversión dos recortes aplicados nos últimos anos.
Nunha xuntanza mantida con representantes da sección sindical da CIG en Correos, o Bloque trasladou o seu total apoio á loita contra o feche, que se produciu esta mesma semana. Igrexas destacou que esta medida afecta un dos principais polos de emprego e actividade empresarial da cidade, como é o Porto, e sobrecargará outras oficinas, como a central da Alameda. “Rexeitamos de plano este novo recorte nun servizo esencial, que durante a pandemia foi declarado de carácter prioritario”, afirmou.
Igrexas subliña o papel chave de Correos, non só nos servizos postais e de loxística, senón tamén como facilitador do acceso á administración pública e a servizos bancarios. “É incomprensíbel que se queira deixar o Porto de Vigo sen oficina postal, unha decisión que só obedece á política de recortes continuados por parte dunha empresa pública que debería priorizar o servizo á cidadanía”, criticou.
Otras noticias
- La juez envía a la cárcel al monitor de la piscina de Marín y le investiga por seis delitos de agresión sexual
- Restablecida la circulación de alta velocidad entre Galicia y Madrid
- El conselleiro de Sanidade confirma que se cerrarán centros de salud, este verano
- Investigan a un monitor de piscina de Marín por la supuesta agresión sexual a una menor
- Regresa el Big Air
- Se vives en Vigo e queres comprar unha bici eléctrica, tes axudas de 500, 600 ata 700€
Recortes no servizo postal en Vigo
Igrexas contextualizou este feche nunha serie de recortes no servizo postal en Vigo, como a recente tentativa fallida de clausurar a oficina do Parque Tecnolóxico e Loxístico de Valadares, a redución de preto de 100 traballadoras e traballadores nos últimos anos e a supresión de servizo nas oficinas os sábados. “Correos debe garantir un servizo á altura da maior cidade de Galiza, revertendo a precarización e os recortes”, insistiu.
O BNG esixe que o Concello de Vigo actúe con firmeza para defender os intereses da cidadanía e reclama unha solución urxente que garanta a continuidade dun servizo postal de calidade.
