A Deputación de Pontevedra acaba de aprobar en Xunta de Goberno o patrocinio da etapa 16 de La Vuelta ciclista a España deste ano para a promoción do destino Rías Baixas, cunha achega de 140.000€. “O deporte é unha ferramenta fundamental para a promoción da nosa provincia”, remarcou o presidente provincial quen engadiu que esta proba se ten convertido “nun dos mellores escaparates de promoción turística do mundo”.
Combarro-Mos
Esta etapa que patrocinará a Deputación terá lugar o día 9 de setembro e desenvolverase entre Combarro, no Concello de Poio, e o Castro de Herville, no Concello de Mos. Trátase dun percorrido de 173 quilómetros que ascenderá a catro portos de montaña e permitirá amosar espazos da costa da provincia e tamén do interior, moi en liña coa campaña de promoción do organismo provincial deste ano, ‘Cando volves?’.
Tamén en vigoalminuto
- O Concello de Mos e Fomento acordan restrinxir a circulación na vía de servizo da A-55 en horario nocturno
- El alcalde insiste: “SOGAMA subió la tasa a Vigo de 6,1 a 10,2 millones de euros”
- “Caballero puede bajar ya el recibo de la basura, porque está subvencionado en un 60% por la Xunta y SOGAMA”
17 millóns de espectadores
La Vuelta a España é seguida cada ano por máis de 17 millóns de telespectadores e ten repercusión en 190 países. “Así que esta etapa, de seguro, será un gran revulsivo para captar a atención de turistas de todo o mundo porque as imaxes que capta o helicóptero de La Vuelta son, sen dúbida algunha, a mellor campaña que un territorio pode facer”, destacou o presidente Luis López.
