Galicia proclamouse en Valladolid, campioa de España sub 21 na clasificación xeral por equipos, trala suma dos resultados individuais. A selección galega foi primeira na categoría masculina e segunda na feminina, o que lle permitiu facerse co título estatal con moita vantaxe sobre a segunda (Cataluña).
En total, as e os nosos taekwondistas lograron seis ouros –Sergio Troitiño, Adrián Salanova, Javier Otero, Helena García, Carla Sesar e Elisa Fernández -, unha prata –Iago Mallo– e dous bronces –Ekaterina Rebón e Irene Rodríguez -. Os campións de España lograron a clasificación para o Europeo da categoría -decembro, Kosovo- e o Mundial, aínda por definir.
Troitiño
Sergio Troitiño (-87, Mat´s) comezou o Campionato de España ante o catalán Ramón Guasch ao que eliminou en dous asaltos moi contundentes (10-0 e 12-0). Na semifinal enfrontouse ao madrileño El Arnouki, ao que tamén supera de forma moi clara (12-0 e 7-0). Na final, Troitiño volvía verse as caras con Cristóbal Pérez (Andalucía) ao que se enfrontara no Campionato de España Absoluto e Sergio repetiu triunfo e, como nos combates anteriores, con tremenda autoridade (15-6 e 12-0).
Salanova
Adrián Salanova (-68, Maniotas) proclamouse campión de España sub 21 tras vencer a catro rivais. O primeiro combate, ante Rommel Vega (Madrid), estivo moi axustado a pesar de que se decidiu en dous asaltos, pero en ambos por só un punto (2-3 e 8-9). Posteriormente, venceu a David Pueyo (Navarra) en dous rounds e na semifinal tivo que chegar ata o terceiro ante Iván Albert (Valencia) para vencelo e clasificarse para a final. Jorge Milán (Murcia) foi o finalista, pero o noso deportista foi superior e impúxose en dous asaltos.
Javier Otero
Javier Otero (-54, Natural Sport) é o terceiro campión de España sub 21 galego. Javi venceu a Anwar Benteib (Cataluña) en primeira rolda en dous asaltos e nos cuartos de final enfrontouse a Marcos Pazos (Baleares), onde novamente o galego gañou con claridade. Otero tiña como rival a Ángel Aguiló (Madrid), pero non se presentou por lesión, polo que o galego puido avanzar á final, onde esperaba Jairo Agenjo (Valencia). Otero non lle deu opcións e venceu en dous rounds para proclamarse campión de España sub 21.
Tamen en vigoalminuto
- O grupo socialista esixe explicacións a Rueda por “agochar durante meses” a denuncia por agresión sexual contra o seu conselleiro do Mar
- Príncipe alcanza un 92% de ocupación y se consolida como “eje comercial clave” en Vigo
- Ni adolescentes, ni solitarios: el 84% de los y las gamers gallegos tiene más de 35 años
- Javier Bas lamenta que “Redondela vaia ter orzamentos, pero non goberno”
- El Concello rechaza la decisión del Gobierno de no crear en Vigo un nuevo Juzgado de Violencia sobre la Mujer
- Dimite el conselleiro do Mar, tras saber que esta investigado por una presunta agresión sexual
Carla Sesar Vila
Carla Sesar Vila (-57, Natural Sport) segue nesa racha imparable esta tempada. Nesta ocasión acadou o título de campioa de España sub 21 tras vencer en catro combates por 2-0. En oitavos de final eliminou a Nerea Carreño (Euskadi) e nos cuartos a Malén Montero (Castela e León). Así logrou plantarse nas semifinais e garantir a medalla, pero Carla quería máis. Así que gañou a Salma Khatiri Amrissanil (Murcia) para clasificarse para a gran final e aquí venceu a Irene Maroto (Madrid), sempre en dous asaltos, sen necesidade de ir ao desempate.
Helena García
Helena García (-73, Dobok) é outra das nosas campioas de España sub 21. A taekwondista do Dobok gañou nos cuartos de final a Yaiza Patiño (Castela a Mancha) en dous asaltos. Na semifinal deu boa conta de Anna Yerpes (Cataluña), tamén sen necesidade de acudir ao terceiro asalto (2-0) e na final, coa mesma contundencia, superou á tamén catalá Julia Fernández.
En – 53 feminina tivemos dobrete galego. Elisa Fernández (Garrapucho) logrou a medalla de ouro, mentres que Irene Rodríguez (Natural Sport) foi bronce. Elisa Fernández superou nos oitavos de final a Perla Santamaría Muñoz (Estremadura), nun combate que foi aos tres asaltos e nos cuartos enfrontouse á vasca Izarbe Cimadevilla del Rincón 2-0). Na semifinal tocou duelo fraticida, ao enfrontarse as dúas galegas, con vitoria de Elisa por 2-0. A final foi ante Anna Ibars Alcántara (Cataluña) e a nosa taekwondista resolveu en dous asaltos. Pola súa banda, Irene Rodríguez gañou en oitavos a Carmen Montero (Castela e León) en dous asaltos e nos cuartos a Leire Echaniz (Navarra), tamén pola vía rápida. So caeu ante a súa compañeira de selección.
Iván Mallo e Ekaterina Rebón
Iago Mallo (-80, Tao) conseguiu a medalla de prata, tras perder na final ante o representante de Castela e León, Mikel Fernández (2-0). Antes, superou nos cuartos de final ao catalán Gerard Recasens (Cataluña) en dous asaltos, e co mesmo resultado na semifinal a Francisco Vilar (Andalucía).
E rematamos coa medalla de bronce de Ekaterina Rebón (-62, Número Phi). A galega perdeu na semifinal ante Martina Torrents (Cataluña) por 0-2. Con anterioridade venceu a Ana Chillón (Madrid) en oitavos de final (2-0) e a Marta Domínguez (Cataluña) nos cuartos tamén en dous asaltos.
