A presidenta do Consorcio Casco Vello (CCVV) visitou este luns a rehabilitación do inmoble situado na confluencia das rúas Hortas e San Sebastián, en pleno barrio histórico alto. Ana Ortiz sinalou que “moi pronto contaremos cun edificio emblemático do Casco Vello pola súa situación, baixo o castelo de San Sebastián, e polas súas dimensións”. Ortiz apuntou que a obra, que comezou a primeiros de ano, está moi adelantada e servirá para sacar a concurso dúas novas vivendas de protección autonómica.
Así, o proxecto, que se licitou por un importe de 716.241,25 euros (IVE incluído), adxudicouse por 650.000 euros á empresa Castroferro. Cun prazo de execución de 12 meses, a parcela ten unha superficie de 180 metros cadrados e a compra do inmoble supuxo outros 188.000 euros.
Locais con actividade empresarial
Por outra banda, tras a adxudicación do baixo comercial da rúa Elduayen 31, o Consorcio xa dispón de 30 locais con actividade empresarial no barrio histórico de Vigo, desde artesanos a autónomos, profesionais liberais, editorais e colectivos culturais. Outros seis locais reformados polo CCVV pertencen a asociacións empresariais e a opcións de compra exercidas polo inquilino, ademais do Rexistro Civil adquirido pola Consellería de Presidencia.
Tamén en vigoalminuto
- La Policía desarticula en Vigo y Nigrán una organización dedicada al tráfico de cocaína y marihuana
- O BNG de Vigo esixe a Caballero que deixe de rirse da cidade cos seus anuncios sobre vivenda
- El presidente del Puerto confirma que el vertido de aceite de palma en Guixar no es contaminante
- En Salceda sí que saben jugar al primer retoque
- Un robo de otro mundo
- A Deputación axuda a 72 rapaces e rapazas a conseguir o seu primeiro emprego remunerado
O Consorcio xa levara a cabo en xuño de 2022 o concurso de alugueiro de vinte locais con prezos que ían dos 70 euros (rúa San Sebastián, 8) o máis barato ata os 255 euros o máis caro (Subida á Costa, 5). Catro dos baixos comerciais concentraron a maioría do centenar de ofertas e recibiron un total de 44 propostas.
