O barrio de San Bieito, no Porriño, volve ser o epicentro da lectura en Galicia coa celebración da Feira do Libro 2025, que se prolongará ata o domingo, 1 de xuño, baixo o lema deste ano: “Onde florecen os libros”. A feira contará con máis de 40 actividades, cunha programación diversa, inclusiva e pensada para todos os públicos.
A apertura deu comezo cunha actuación das Pandereteiras Pande Atios da Asociación Cultural Os
Penediños de Atios que precedeu a intervención das autoridades alí presentes. O alcalde, Alejandro Lorenzo, salientou que “a cultura é un piar esencial da nosa identidade como vila. Sigamos fomentando a lectura, os encontros culturais e a defensa do libro como ferramenta de crecemento colectivo”.
Durante o acto inaugural, a Secretaria da Federación de Librarías de Galicia, Celia Fernández, subliñou
que “o lema Onde florecen os libros non é só un lema, tamén é unha promesa” e agradeceu ao Porriño “o seu compromiso constante coa cultura e co libro, especialmente nestes tempos nos que é tan necesario crear espazos de encontro arredor da palabra escrita”.
Tamén en vigoalminuto
- Detectan 3.829 viviendas turísticas ilegales en Galicia: las plataformas online deben retirarlas
- Galicia queda atrás: o PIB medra por baixo da media estatal
- Borrasca Leonardo: el mar vuelve a cortar la PO-11 entre Pontevedra y Marín
- El vigués Álvaro Gómez, subcampeón del Andalusian Spanish International U15
- Vigo transformará A Punta con una piscina natural en el mar
- Alerta ante el colapso del Padrón municipal
O pregón inaugural correu a cargo do poeta Samuel Merino, quen salientou o papel do libro como
ferramenta de liberdade, identidade e encontro social. O seu discurso, cheo de sensibilidade e reflexións
sobre o valor da palabra escrita, culminou con poema. Finalizado o acto, as autoridades acompañaron o
pregoeiro nun percorrido polas casetas da feira.
A feira conta coa participación de seis librarías galegas —Copi-Rey, Paz, Uróboros, Porto, Pedreira e
Cartabón— e entre as actividades previstas se inclúen sinaturas de libros, contacontos, espectáculos, música e obradoiros. A proposta reafirma o compromiso do Porriño coa cultura accesible e participativa. Toda a programación entrando AQUí.
