O Concello de Nigrán continúa este domingo 25 de maio coa proposta cultural ‘Vermú de barrio’ co grupo San Rockers como protagonistas da sesión musical ás 12:30 horas na Ramallosa, na rúa Damas Apostólicas. Esta iniciativa cultural conta co apoio da Deputación de Pontevedra a través do ‘Plan + Provincia’. O Concello ampliará a proposta ao domingo 1 de xuño con ‘Cubo Metálico’ na Praza da Biblioteca.
San Rockers
San Rockers é un grupo de catro músicos nacido na parroquia de Camos hai xa case 10 anos que conta con temas propios e versións de pop e rock moi singulares, neste apartado poden aparecer animadas cancións case irrecoñecibles de Raphael ou Hombres G que fan levantar ao público.
Pola súa banda, ‘Cubo Metálico‘ é un grupo que fusiona o hip-hop, funk e rock no que denominan powerfunk.
