A provincia de Pontevedra segue a manter un ritmo de crecemento constante en canto ao turismo estranxeiro, desde que comezou o ano. Neste caso, a Deputación confirma «cifras de récord» en canto aos visitantes internacionais que percorreron a provincia en abril, que representan xa o 44% do total de turistas que visitan Rías Baixas e supón un incremento do 28% con respecto ao mesmo mes do 2024.
“Sen dúbida algunha, estes datos revalidan que o obxectivo de internacionalización que nos marcamos na nosa estratexia de turismo e a promoción do destino que temos realizado en Londres ou, entre outras cidades, Berlín vai, pouco a pouco, dando os seus froitos”, subliñou o presidente da Deputación Luis López.
Datos do INE
Segundo os datos do Instituto Nacional de Estatística (INE), a provincia rexistrou en abril un 15% máis de viaxeiros que con respecto ao mesmo mes do 2024 representando estes, ademais, o 32% dos que visitan Galicia. En liñas xerais, fronte ao 44% de turistas estranxeiros, o 56% das persoas que se achegan ata Rías Baixas son españois, o que supón un incremento do 9,5% con respecto aos visitantes nacionais que o fixeron o pasado ano.
Tamén medrou a porcentaxe de ocupación hoteleira, que se mantivo ao longo do mes de abril no 40% o que supón un 7% máis que o rexistrado no mesmo mes do 2024. Ademais, a ocupación media de abril do 2025 foi superior á media en localidades como Pontevedra ou Sanxenxo.
Maio
No que respecta a este mes de maio, e a falta dos datos do INE que se pecharán a finais de xuño, a oficina de turismo do Palacete das Mendoza recibiu a un total de 10.200 visitantes. Neste caso, detéctase novamente un incremento do turismo estranxeiro –Alemaña, Estados Unidos e Reino Unido-, representando xa o 50% dos rexistrados na oficina, a mesma porcentaxe que os españois –Madrid e
Barcelona, principalmente-.
Tamén en vigoalminuto
- Una fuga de gas obliga a cortar la Avenida de Florida
- Detenido por grabar partes íntimas de mujeres, con el móvil oculto en una bolsa
- Vigo, en el punto de mira de la estafa del “hijo en apuros”, con voces creadas por IA
- Luisa Sánchez denuncia que el Gobierno no fija plazos ni inversiones para la salida sur ferroviaria
- ¿El Papa León, rumbo a Porriño?
- Abel Caballero advierte de consecuencias si no se rectifica el “bulo” sobre una subida del 8% de su sueldo
Castelos de Soutomaior e Sobroso
Ademais, en maio os castelos de Soutomaior e Sobroso, “bastións do turismo na provincia de Pontevedra”, tal e como remarcou o presidente Luis López, sumaron un total de 3.000 visitantes: 2.000 o de Soutomaior e 1.000 o de Sobroso.
E percorreron as diferentes vías que atravesan a provincia cara Compostela preto de 23.000 peregrinos, sendo a máis transitada o Camiño Portugués (10.920), seguido do Camiño Portugués pola Costa (10.235), a Vía da Prata (1.090) e o Camiño de Inverno (362).
