A Xunta vén de iniciar a construción de dous novos edificios para 56 vivendas de promoción pública en Navia, cun investimento de 11,7 millóns de euros. A conselleira de Vivenda e Planificación de Infraestruturas, María M. Allegue, xunto á delegada territorial da Xunta en Vigo, Ana Ortiz, informou hoxe destas actuacións e anunciou que o remate das obras se prevé no vindeiro 2026.
Allegue remarcou que estes inmobles se executan con fondos maioritariamente da Xunta, pois do orzamento global – 11,7M€ – máis dun 75% son achega autonómica e o resto, fondos europeos. O primeiro inmoble, para 38 vivendas, por un importe de 8,2 millóns -cun 76% de fondos propios da Xunta- e o segundo por 3,6 millóns para 18 fogares-cun 73% de fondos da administración autonómica-.
A titular de Vivenda e Planificacións de Infraestruturas lembrou que estes novos edificios súmanse aos inmobles de 40 e 46 vivendas públicas que a Xunta comezou en Navia nos últimos meses, acadando un total de 142 fogares en construción.
Outros 51 pisos no polígono 2
Allegue anunciou que esta mesma mañá a Xunta autorizou a adxudicación, a través da Sociedade de Vivenda Pública de Galicia (Vipugal), da licitación da redacción do proxecto e dirección de obra para construír 51 novas vivendas no polígono 2.
Tamén en vigoalminuto
- Un operario muere y dos resultan heridos, tras ser atropellados por una grúa en la A-8
- La transformación de Praza de España avanza con nuevos convenios urbanísticos y más zonas verdes
- Os vigueses chamados a acudir á manifestación de SOS Sanidade Pública, este domingo en Santiago
- Vigo entra en la liga de la fotónica europea: ‘Sparc’ arranca su planta de chips de última generación
- Vigo invierte en su Casco Vello: 15 millones para renovar edificios y crear nuevas viviendas
- Lola Índigo, Afrojack e Sen Senra completan un cartel de luxo para o Son do Camiño 2026
A estas vivendas en Navia cómpre sumar as que se poidan construír nos ámbitos que se desenvolverán en Vigo a través da Estratexia de solo residencial, por un lado no ámbito do Ofimático, que permitirá a construción de 2.300 vivendas, por outro na zona de Ramón Nieto, zona seleccionada polo Instituto Galego da Vivenda e Solo, para desenvolver un segundo ámbito de solo urbanizable en Vigo.
