A presidenta do Consorcio Casco Vello de Vigo (CCVV), Ana Ortiz, visitou este luns o novo local comercial que sairá a consurso público de forma “inminente” tras a rehabilitación do edifico situado en Elduayen 31 e cuxas vivendas foron adxudicadas o pasado mes de novembro.
Durante o percorrido polo baixo xa reformado, a representante autonómica avanzou que o consello de administración do CCVV ten previsto aprobar o concurso na vindeira sesión do presente mes de xaneiro. “Damos un paso máis para reactivar o barrio histórico vigués, xa contamos cun total de 36 locais reformados para dinamizar a zona e fomentar o comercio de proximidade”, sinalou.
Outras novas
- El BNG reprocha a Caballero haber contratado sólo 27 viviendas protegidas de las 6.000 que prometió hace 19 años
- La jueza deja en libertad al detenido por apuñalar, presuntamente, a su tío en Cangas
- Castrelos abre la inscripción para sus campamentos culturales gratuitos de verano
- La Diputación libera casi un millón de euros para Pintor Colmeiro y la Pista Vermella
- Natación artística, basket 3×3 y waterpolo: así será la potente programación deportiva del SeaFest 2026
- El PP exige borrar la firma de Ábalos del libro de honor de Vigo tras su condena
29 locais en funcionamento
Segundo explicou Ortiz, o baixo conta con 106,95 metros cadrados con fachada cara a rúa Elduayen. “A iniciativa permitirá incorporar un novo emprendedor a unha zona que xa conta cunha grande actividade e con todo tipo de negocios”, sinalou. Actualmente existen 29 locais con actividade empresarial, desde artesanos a autónomos, profesionais liberais, editorais e colectivos culturais. Outros seis locais reformados polo CCVV pertencen a asociacións empresariais e a opcións de compra exercidas polo inquilino, ademais do Rexistro Civil adquirido poloa Consellería de Presidencia.
Prezos de 70 a 225€
O Consorcio xa levara a cabo en xuño de 2022 o concurso de alugueiro dos vinte locais con prezos que ían dos 70 euros (rúa San Sebastián, 8) o máis barato ata os 255 euros o máis caro (Subida á Costa, 5). Catro dos baixos comerciais concentraron a maioría do centenar de ofertas e recibiron un total de 44 propostas.
Este proceso continuará agora coa posiblidade de adxudicación do local de Elduayen 31, tal e como recolle o prego de condicións. Así, este mes aprobarase no consello de administración do CCVV e, tras a certificación, haberá un mes de prazo para que os interesados presenten a súa proposta.
