A vicepresidenta da Deputación de Pontevedra, Luisa Sánchez, e o presidente do padroado da Fundación MARCO, Miguel Fernández-Cid, asinaron este xoves un convenio de colaboración entre ámbalas dúas entidades, a través do cal a institución provincial achega 100.000€ para colaborar na produción, realización e atención de exposicións e publicacións de artistas. “Queremos tender a nosa man para que a cidade de Vigo conte cunha programación cultural estable, achegando diferentes estilos artísticos á cidadanía”, asegurou Sánchez.
Exposiciones
Así, os recursos da Deputación de Pontevedra permitirán financiar actividades como a exposición de Laia Argüelles Folch, que se pode desfrutar ata o vindeiro mes de xaneiro no MARCO, ou a de Susanne D. Themlitz, inaugurada a principios de novembro. Ademais, a través da colaboración entre ambas institucións levarse a cabo a produción da exposicións de Irene González e o deseño do proxecto e a produción de obras da exposición de Marta María Pérez Bravo, Yolanda Herranz Pascual e Andrea Costas Lago. Por último, o MARCO tamén preparará, producirá e difundirá publicacións de Laia Argüelles Folch, Concha Martínez Barreto, Susanne D. Themlitz, Alfredo Alcain e Eduardo Gruber.
Tamén en vigoalminuto
- El BNG vuelve a exigir que se paralice la torre de control remota de Peinador
- La Diputación pide al alcalde que le envíe el proyecto de Balaídos para garantizar el Mundial 2030
- Arrestados tras llevarse objetos por valor de 588€, en un establecimiento del centro
- La Xunta crea un fondo turístico para los tres aeropuertos: el dinero irá a promoción, no a aerolíneas
- Viajes a Cíes y Ons en Semana Santa, con salidas desde seis puertos
- Caballero asegura que Louzán teme una visita de la FIFA a Balaídos
«Potencial cultural inmenso»
Trátase, en palabras da vicepresidenta provincial, dunha “colaboración fundamental porque este museo é unha gran referencia artística, xa non só de Vigo, senón da provincia e de toda Galicia”. Ademais, Sánchez remarcou a importancia de “contribuír a que a nosa escena cultural estea en bo estado de saúde. Desde a Deputación tomámolo como un obxectivo prioritario, e abordámolo desde un enfoque estratéxico”.
Deste xeito, o obxectivo é achegar á cidadanía a arte e a cultura en xeral, e que na cidade de Vigo haxa unha programación plural de exposicións e actividades, “porque esta cidade e a provincia de Pontevedra en xeral, ten un potencial cultural inmenso, e debemos impulsalo, visibilizalo e promocionalo”.
