A Consellería de Educación, Ciencia, Universidades e Formación Profesional, realizará investimentos por máis de 2,6 millóns de euros en nove centros educativos de Primaria e Secundaria de Redondela.
Nunha xuntanza mantida coa alcaldesa e o concelleiro de Educación, o director territoral de Ensino informou das obras previstas nas infraestruturas situadas no municipio redondelán, algunhas das cales xa están en marcha.
Primaria
Así, no que se refire a Primaria, levaranse a cabo reformas no EEI A Marisma por importe de 67.853 euros (fontanería, falsos teitos e luminarias). No CEIP Laredo por valor de 36.000 euros (luminarias). No CEIP Quintela por 48.000 euros (aseos) e no CEIP Reboreda por 310.579 euros (carpinterías e melloras varias).
Secundaria
No referente a Educación Secundaria, os investimentos serán no IES Illa de San Simón por importe de 69.195 euros (illamento térmico e acústico e instalación solar fotovoltaica). Tamén no IES Mendiño por 242.436 euros (instalacións térmicas) e no IES Pedro Floriani por 1.888.821 euros para a súa ampliación.
Ademais, durante a reunión tamén falouse sobre o convenio cos institutos do concello para uso dos pavillóns polideportivos, a través do acordo coa Federación Galega de Municipios (FEGAMP); tamén sobre as obras de reforma integral do IES Alexandre Bóveda e sobre unha posible colaboración en obras nos polideportivos.
