A Deputación de Pontevedra colabora neste mes de agosto con OperaConcert para traer á provincia de Pontevedra o espectáculo lírico “Querida Montserrat, Querido Luciano”, unha homenaxe a estes dous artistas na que participan Montserrat Martí Caballé, filla da famosa soprano española, e Simona Todaro Pavarotti, neta do tenor italiano.
Datas
As citas terán lugar:
- 20 de agosto, ás 20:00 horas no Mosteiro de Poio
- o 21 de agosto, ás 21:00 horas na Praza da Concello do Porriño
- e o 29 de agosto, na Igrexa de Santa María do Porto (Templo antigo) de Marín ás 21:00 horas
Deste xeito, «os espectáculos permitirán poñer en convivencia a música de ópera co patrimonio da provincia», e todos eles son con entrada libre ata completar aforo.
Inédito
É a primeira vez na historia da música que se lle rende unha homenaxe a estes dous grandes cantantes, cuxas voces resoaron nos mellores teatros do mundo, desde Sídney ata Roma, desde París a Nova York.
No espectáculo que chega agora á provincia de Pontevedra tamén participan o barítono Luis Santana, a soprano lixeira María Dolores Crespo Abuín e o pianista Victor Carbajo. O mesmo abrangue un repertorio da canción e a ópera italiana, lembrando a Luciano Pavarotti, así como arias de ópera, canción española e zarzuela por Montserrat Caballé, con títulos como “O mío babbino caro”, “Ave María”, “’O Sole Mio” ou “Nessun Dorma”, entre outras.
