Galicia rexistrou 2.170 nacementos os dous primeiros meses deste ano, ademais dun descenso do 2,2% é o peor dato de todas as comunidades autónomas do Estado, segundo os datos do Instituto Nacional de Estatística (INE).
Pola contra, a media española aumenta un 2,8% e só Extremadura (cunha caída do 0,8%) e Andalucía (-0,57%) presentan descensos no número de recen nacidos.
Idades das nais
Polo que re refire ás idades das nais galegas, segundo o INE, a maioría (721 delas) tiñan entre 35 e 39 anos; 659 estaban no grupo de 30 a 34 anos; de 25 a 29 anos foron 346 e de 20 a 24 anos, 110.
Tamén houbo 276 partos de mulleres de entre 40 e 44 anos de idade; 19 nais que tiñan entre 15 e 19 anos e 4 que superaban os 50 anos.
Mortes
Polo que se refire aos falecementos, nos primeiros tres meses do ano morreron en Galicia 9.256 persoas, un 0,95% menos que no primeiro trimestre de 2023. Trátase dun descenso inferior á media do Estado, que é dun 1,40%. A maioría das finadas foron mulleres: 4.722 fronte a 4.534 homes.
Esperanza de vida
Na actualidade, segundo os datos estadísticos, a esperanza de vida dos galegos é de 83,85 anos, aínda que hai diferencias importantes entre homes e mulleres. Elas viven máis, en concreto, de media, chegan aos 87 anos, mentres que eles no superan os 80,7 anos.
Lugo, a cidade galega onde se vive máis, seguida de Santiago e Vigo
Dende o punto de vista xeográfico, a cidade galega con maior esperanza de vida é Lugo, con 83,66 anos, dacordo cos últimos datos do INE. Na capital lucense os homes viven un 80,88 anos e as mulleres 86,11.
Por detrás de Lugo, a cidade ‘máis lonxeva’ é Santiago, cunha esperanza de vida de 83,64 anos; de seguido ven Vigo (83,6); Ourense (83,54); A Coruña (83,29); Pontevedra (83,23) e Ferrol (82,19 anos).
