A Deputación de Pontevedra acaba de rematar actuacións de renovación das instalacións de alumeado exterior en nove concellos da provincia cunha inversión superior a 1,2 millóns de euros, o 80% financiado polo Instituto para a Diversificación e Aforro da Enerxía (IDAE) a través do fondo FEDER 2014-2020.
As obras leváronse a cabo nos concellos de Mondariz, Moraña, Mos, Poio, Ponte Caldelas, Portas, Valga, Vilagarcía e Vilanova de Arousa.
Mais polo miúdo, o investimento realizado en Mondariz foi de 104.381€;Moraña de 99.164€; en Mos de 70.600€; Poio de 140.758€; en Ponte Caldelas de 139.784€; Portas de 221.322€; en Valga de 119.225€; Vilagarcía de Arousa de 165.307€ e, por último, en Vilanova de Arousa investíronse 163.663€.
