Un ano máis o Concello de Covelo quere recoñecer a traxectoria da súa veciñanza e ultima xa unha nova edición dos premios “Síntete Covelo”. A 9ª edición ten aberto o prazo para as candidaturas, ata o vindeiro 1 de decembro ás 14:00h.
Candiaturas
Calquera persoa poderá presentar candidaturas. Estas terán que estar relacionadas coa contribución á creación, ás artes, á ciencia ou humanidades, ao deporte, ao medio ambiente e á conservación do noso entorno e paisaxe local.
As candidaturas teranse que presentar mandando un informe de méritos ao correo electrónico [email protected] ou ben por correo ordinario ou presencialmente nas oficinas do Concello.
Contido
Deberán incorporar o seu curriculum ou memoria do seu percorrido e traxectoria, notas de prensa, entrevistas na radio ou televisión, vídeos, etc., que deberán aportar nun sobre onde se indiquen os datos da persoa, empresa, asociación ou club que se propón para o “IX Galardóns Síntete Covelo”.
O xurado, composto por tres concelleiras e concelleiros de todos os grupos da Corporación, entregará o premio o sábado día 23 de decembro ás 18:30 horas no auditorio municipal.
