O Colegio Hogar Afundación de Vigo comezará en setembro un novo curso académico. Nel impártense un total de 9 titulacións de ciclos formativos, seis de grao medio —Preimpresión dixital, Impresión gráfica, Soldadura e caldeiraría, Mecanizado, Instalacións eléctricas e automáticas e Instalacións de telecomunicación— e tres de grao superior —Programación da produción en fabricación mecánica, Automatización e robótica industrial e Mantemento electrónico—.
Máis do 80% de empregabilidade
Así, os responsábeis do centro subliñan que o grao de empregabilidade dos ciclos durante o pasado curso foi especialmente revelador da «altísima aceptación da formación profesional no mercado laboral», cunha porcentaxe que rolda o 80,5 %. Isto supón que un total de 137 estudantes tiveron a oportunidade de completar a súa formación con prácticas en centros en traballo grazas á colaboración de 107 empresas, «que realizaron unha moi boa valoración dos estudantes en prácticas».
Actividades, promoción, voluntariado
Ademais, no curso que finalizou, organizáronse no diversas actividades que complementan a súa oferta académica como a «XVI edición da Semana Técnica do Colexio Hogar»; ademais de accións de voluntariado como as campañas de doazón de sangue; recollida de alimentos ou labores de voluntariado ambiental.
