O Concello non da resposta
A veciñanza de Teis, concentrouse está mañá, novamente, diante da oficina dos servizos sociais da parroquia, atendendo á convocatoria da Asociación Veciñal de Teis, o foro socio educativo » Os Ninguéns «, e a oficina dos dereitos Sociais de Coia, ODS Coia, para denunciar, outra vez, a falta de persoal desta oficina e o seu funcionamento ‘baixo mínimos’ desde hai meses.
Así, dende finais do ano pasado, esta dependencia segue pechada media semana (xoves e venres) ao carecer de vaios profesionas (administrativo e bedel). Ademáis, este feito provoca que o resto da semana, a dúas traballadoras sociais, teñan que encargarse a maiores das súas funcións de atender a recepción, para abrir e pechar a porta da oficina, ao ter que permanecer pechada por seguridade. A maiores, a técnica de Inclusión, que atendía en Teis, ao estar pechado os xoves e o venres, ten que derivar a veciñanza para o Concello.
Os afectados son as veciñas e veciños
Está situación provoca, subliñan os convocantes, «unha mingua dos servizos sociais en Teis, que afecta a veciñanza que acude diariamente aos mesmos para tramitar todo tipo de axudas sociais ( risga, axudas de emerxencia ou pensións non contributivas)»
Por iso, «dirixímonos ao longo destes meses a Concellaría de Servizos Sociais, denunciando está situación, sen recibir ningún tipo de solución até o de agora». É por iso que «hoxe, seguimos a esixir ao alcalde e a concelleira de Servizos Sociais «unha solución inmediata». A mesma pasa por «dotar a esta oficina de todo o persoal administrativo necesario e de aumentar as traballadoras sociais».
