RGPD - Cookies
Comarcas Vigo al minuto

Salceda coloca os dous primeiros puntos limpos para refugallos especiais

Para cápsulas de café, pilas, lámpadas, cartuchos de impresora ou teléfonos móbiles

Salceda coloca os dous primeiros puntos limpos para refugallos especiais

Para cápsulas de café, pilas, lámpadas, cartuchos de impresora ou teléfonos móbiles

A Concellería de Medio Ambiente de Salceda, ven de instalar dous minipuntos limpos fixos en sendas rúas do casco urbán. Os mesmos estarán situados na rúa Pontevedra, á altura da Praza de Abastos, e na Praza da Devesa.

Sete tipos de refugallos

Este tipo de minipuntos servirán para que a veciñanza poida depositar ata sete tipos diferentes de residuos especiais como cápsulas de café, pilas, lámpadas, CD, DVD, cartuchos de impresora, RAEES e teléfonos móbiles.

Estes dispositivos de recollida axudarán a realizar a correcta reciclaxe deste residuos que son altamente contaminantes e que en moitos casos a cidadanía non podía reciclar de forma correcta.

Os contenedores de recollida indicarán de forma gráfica e sinxela en que lugar se teñen que depositar cada un dos residuos, aportando igualmente ás persoas que os utilizan, información de carácter medioambiental para dar a coñecer o seu proceso de reciclaxe.

Promoción do Comercio Local

Por outra banda, a súa parte frontal será utilizada pola Concellería de Comercio que dirixe a alcaldesa Verónica Tourón, como panel de información promocional sobre as actividades comerciais a realizar en Salceda, o que servirá para darlles unha maior cobertura ao sector comercial e hostaleiro.

A alcaldesa subliñou que «este modelo de minipuntos permite unha xestión de residuos máis responsable e, ao mesmo tempo serve para promocionar a actividade comercial local, dunha forma dinámica e integrada no mobiliario urbán».

También te puede interesar