O Concello da Guarda precisa persoal para cubrir as prazas de socorristas de cara á inminente tempada estival e garantir deste xeito a seguridade nos areais da Praia fluvial do Muíño, na desembocadura do Río Miño, e na Praia marítima de Area Grande, ámbalas dúas con Bandeira Azul.
Anotadas na oficina de emprego
Todas as persoas interesadas en participar no proceso selectivo para cubrir as prazas de socorristas na Guarda, que conten coa titulación esixida para o desempeño do traballo, deberán anotarse nas oficinas do Servizo Galego de Emprego de Tui á maior brevidade posible.
