RGPD - Cookies
Comarcas Vigo al minuto

Tomiño creará unha nova senda para unir a rotonda da Pedra coa avenida do Baixo Miño

Dará continuidade aos itinerarios peonís e ciclistas desenvoltos coa recente execución da variante de Seixo

Tomiño creará unha nova senda para unir a rotonda da Pedra coa avenida do Baixo Miño

Tomiño continúa a recuperar espazo para as persoas. O Concello acaba de licitar a obra para crear unha nova senda que unirá a rotonda da Pedra coa nova avenida do Baixo Miño.

150.000 euros

Os traballos contan cun orzamento de máis de 150.000€ e constrirán un percorrido accesible e seguro pola marxe este da estrada actual, e que dará continuidade aos itinerarios peonís e ciclistas desenvoltos coa recente execución da variante de Seixo.

Percorrido circular de máis de 4 quilómetros

A alcaldesa destaca que con esta actuación «continúamos fomentando e potenciando a mobilidade sustentable en Tomiño». Sandra González explica que a nova senda creará un longo percorrido circular de máis de catro quilómetros ao redor do Seixo para o desfrute da veciñanza.

«Sabemos que aos veciños e veciñas de Tomiño utilizaban este traxecto de maneira habitual, polo que con esta nova actuación, pechamos un anel seguro, confortable e accesible para todas as persoas no centro do noso concello».

4 meses de traballo

A obra neste momento está en prazo de licitación pública e o prazo de presentación de ofertas é de 26 días naturais naturais dende a súa publicación no perfil do contratante. Unha vez licitada, o prazo de execución será de catro meses. Esta intervención está financiada polo Plan Concellos da Deputación de Pontevedra.

También te puede interesar