RGPD - Cookies
Galicia Vigo al minuto

Convocados os cursos de mariñeiro e pescador da Xunta

Xa está aberto o período de inscrición que remata o día 29

Convocados os cursos de mariñeiro e pescador da Xunta

A Consellería do Mar vén de convocar tres novos cursos de mariñeiro/a pescador/a na modalidade online. Os mesmos terán lugar entre o 1 de febreiro e o 18 de marzo de 2022, unha duración de 50 horas e se poderán beneficiar un total de 180 persoas.

Cada unha destas accións formativas estará titorizada por unha das tres escolas de ensino náutico-pesqueiro da Consellería: a Escola Oficial Náutico-Pesqueira de Ferrol, a Escola Oficial Náutico Pesqueira de Ribeira e o Instituto Politécnico Marítimo-Pesqueiro do Atlántico de Vigo.

Inscrición

O período de inscrición para estes cursos, que contan con 60 prazas cada un, está aberto ata as 15:00 horas do próximo 29 de decembro. A relación de admitidos será establecida en función da hora e do día de prematrícula dos candidatos. Para realizar a prematrícula será necesaria a identificación mediante o sistema de usuario e clave ‘chave365’ ou un certificado electrónico.

Toda a información sobre esta oferta formativa pode consultarse no apartado de teleformación da web da Consellería do Mar.

Matrícula

Os 60 admitidos en cada curso deberán matricularse no centro de ensino correspondente nun prazo de 10 días naturais a partir do día seguinte á publicación da listaxe provisional de admitidos no portal web de formación da Consellería do Mar.

Pode consultarse a documentación precisa para facelo no Anexo II da orde pola que se establecen as bases e
se regula o procedemento para a obtención das titulacións de mariñeiro/a pescador/a, patrón/patroa local de pesca e patrón/patroa costeiro/a polivalente na comunidade.

Exame e proba de natación

Unha vez que remate o curso de teleformación realizarase un exame presencial en cada un dos centros dependentes da Consellería do Mar. Así mesmo, será necesario superar unha proba de natación o mesmo día do exame para poder presentarse á proba final.

También te puede interesar