Os membros da Axencia Galega de Emerxencias (Axega) buscan con drons a un home de 93 anos desaparecido en Culleredo onte pola tarde. O operativo segue traballando dende as 10 da noite de onte na parroquia de Celas.
Foi un familiar quen alertou da desaparición ao 112 e dende aquí deron aviso á Policía Local, Protección Civil e Garda Civil. Foron os membros da Benemérita os que contactaron coa unidade de drons e coa de cans de Ferrol, que xa está no lugar.
