RGPD - Cookies
Galicia Vigo al día

O BNG propón que unha empresa muncipal xestione o estacionamento en Vigo

Para o Bloque os 7,5 millóns en indemnizacións polos parkins de Coia e Jenaro de la Fuente amosan que o modelo privado é «ineficiente e ruinoso»

O Bloque Nacionalista Galego propón que o Concello de Vigo se dote dunha empresa pública municipal desde a que xestionar o estacionamento da cidade.

Dende o BNG deféndese unha xestión pública «para evitar novos fiascos» como os dos aparcamentos de Coia e Jenaro de la Fuente polos que agora o Concello ten que aboar indemnizacións millonarias.

7,5 millóns en indemnizacións amosan que o modelo privado é «ineficiente e ruinoso«

O concelleiro do BNG en Vigo, Xabier P. Igrexas, sostén que a indemnización por importe de 7,5 millóns de euros ás empresas que xestionaban eses dous aparcamentos soterrados, demostra que o «o modelo de concesión privada para xestionar aparcamentos demostrouse ineficiente e ruinoso para a cidade. É un modelo fracasado e do pasado que cómpre superar».

Xestión pública dos aparcamentos soterrados e da XER

A este respeito, Igrexas defendeu que «non abonda con laiarse das consecuencias deste modelo, senón en tomar decisións para evitar que estas situacións volvan producirse». Con ese obxectivo propoñen a constitución dunha empresa municipal desde a que asumir a xestión integral do estacionamento da cidade, incluíndo tanto os aparcamentos soterrados como a XER.

También te puede interesar