A delegada da Xunta en Vigo visitou este xoves o CEIP Plurilingüe Santa Mariña para supervisar o resultado do cambio de cuberta no que se investiron 112.518€.
Marta Fernández-Tapias sinalou que os traballos consistiron na retirada dos distintos materiais existentes e a colocación do nova cubrición co illamento correspondente, a reparación das cornixas e limas e a substitución das respectivas cunetas e baixantes.
Obras en varios centros de Vigo
Fernández-Tapias aproveitou a visita para subliñar que o Goberno de Galicia está a acometer «importantes obras no conxunto dos centros escolares de Vigo». Entre elas citou as melloras básicas de eficiencia enerxética actualmente en execución nos IES de A Guía (240.777€), Castelao (241.121€) e Beade (236.225€).
Asemade referiuse á rehabilitación integral do IES Santa Irene por un importe total de 1.265.487,82€.
Segundo cifrou a delegada, nestes intres a Consellería de Educación ten en execución nos centros da cidade obras por un valor superior aos 2,3 millóns de euros.
