O presidente do Goberno galego anunciou este mércores a adquisición de 3 millóns de test de antíxenos, para seguir realizando cribados con maior frecuencia nas residencias e en calquera outro lugar onde se precise.
En resposta ás preguntas dos grupos no Pleno da Cámara, o presidente Feijóo garantiu que a Xunta seguirá empregando todos os instrumentos ao seu alcance para loitar contra a pandemia.
Obriga legal de quedar na casa para as persoas afectadas polo COVID
Na mesma resposta, Feijóo subliñou que «Galicia é a única comunidade que está lexislando de forma específica para xestionar esta e calquera outra
pandemia que poida suceder nas vindeiras décadas”.
O presidente referíase á reforma da Lei de Saúde de Galicia. A mesma establecerá que unha persoa infectada por coronavirus ten a obriga legal de manterse no seu domicilio durante 10 días. Ademáis, unha persoa en contacto estreito dun positivo, terá a obriga de estar corentenado durante 14 días, no seu domicilio.
