RGPD - Cookies
Comarcas

@carmelasilva asegura que Feijóo e Rueda están detrás dos insultos que lle dirixiu o alcalde de Vilanova

A presidenta da Deputación asegurou este martes que o presidente do PP de Galicia e da Xunta, e o seu vicepresidente, e Alfonso Rueda, están detrás da anunciada denuncia contra ela por parte do alcalde de Vilanova-o mesmo que dirixira insultos machistas a Carmela Silva-.

«Quero que a xente saiba que isto é unha estratexia ideada polo señor Feijóo e polo señor Rueda», sinalou Silva, quen engadiu que «xa o fixeron cando gobernaba o bipartito, por tanto, a ninguén lle estrañan estes comportamentos».

Segundo a presidenta- quen asegurou sentir unha «tremenda vergoña» por este comportamento e pediu perdón aos cidadáns porque «haxa persoas así na política» este tipo de polémicas reflicte que o Partido Popular «está moi nervioso» porque «perderon o Goberno do Estado, perderon o goberno da Deputación e van perder a Xunta de Galicia».

Hai que lembrar que o alcalde de Vilanova, Gonzalo Durán, anunciou que emprendería accións penais contra Carmela Silva, á que cualificou de «presunta delincuenta»e da que, asegurou, forma parte dunha trama, dirixida dende a Deputación para paralizar obras e desviar fondos para o Concello de Vigo.

 

También te puede interesar