Galicia Vigo al día

@bngvigo pedirá explicacións á dirección de Costas e ao Concello sobre o paseo de Bouzas

O Bloque Nacionalista Galego comprende e apoia a protesta dos veciños de Bouzas logo do transcurso dun ano co paseo marítimo inutilizado.

Xabier P.Igrexas, concelleiro do Bloque, criticou que neste tempo a única actuación realizada foi o seu valado que impide o uso do paseo, pero non se fixo nada “para reparar nin para garantir a seguridade”, o que priva á veciñanza de Bouzas e ao resto dos vigueses de poder desfrutar dese enclave privilexiado.

Por todo iso, anunciou que se dirixirá de maneira inmediata á Dirección de Costas estatal e interpelará o Goberno municipal para que “informen e expliquen en qué punto está, no caso de que se teña iniciado a súa tramitación, o expediente de cesión do paseo ao Concello”.

Igrexas denunciou que o alcalde anunciara a inicios de xaneiro deste ano, nunha mensaxe “electoralista en plena precampaña”, que a cesión sería “inminente”. Porén, máis de medio anos despois nada se sabe sobre a súa tramitación.

O edil reclamou que  Goberno municipal explique con claridade con que prazos está traballando esta cuestión.

También te puede interesar