O Concello da Guarda presentou este xoves a ‘Axenda de Verán 2019’, na que se inclúe a programación de actividades para os meses de xuño, xullo, agosto e setembro.
Na presentación a concelleira de Cultura en funcións, Elena Baz, salientou a “importancia no tecido asociativo da vila” para poder contar cunha axenda completa e con “actividades de todo tipo: culturais, deportivas ou de lecer,” entre outras.
Antonio Lomba, alcalde en funcións, subliñou que A Guarda ten unha intensa actividade a nivel cultural, con propostas para todas as idades, contando ademáis na tempada estival con importantes eventos como as Festas de San Antonio, San Xoán, Corpus, Festa da Langosta e da Cociña Mariñeira, Festa do Peixe Espada, Festas do Carme, Festas do Monte, numerosos concertos e festivais musicais e, este ano tamén, o Encontro de Embarcacións Tradicionais, “un atractivo máis para os nosos veciños e veciñas, pero tamén para os milleiros de visitantes que cada ano elixen A Guarda para pasar as súas vacacións”.
