A doutora de Urxencias do Complexo Hospitalario Universitario de Santiago (CHUS) Fátima Nercellas confirmou este venres que varios profesionais do CHUS denunciaron ante a Fiscalía a morte de dous pacientes en Urxencias o pasado 2 de xaneiro.
A doutora Nercellas compartiu esta información nunha xornada de sanidade, na que participou xunto a outros dous profesionais de Urxencias engadindo que o día 2 houbo ata 4 pacientes que “estaban en parada» nos corredores deste servizo no Complexo Hospitalario Universitario de Santiago e que, nalgún momento, neste espazo houbo que situar a preto de 30 enfermos.
