A obra de ampliación da rede de saneamento na Estrada de Padrón, na parroquia de Saxamonde será axiña unha realidade: o Goberno local de Redondela vén de contratar os traballos que permitirán a colocación dunha nova rede de colectores, que completa o investimento realizado o pasado ano na N-550 ao seu paso por esta parroquia que deu acceso a este servizo a 40 casas, grazas a un orzamento de 174.000€.
Neste caso o importe do proxecto ascende a 62.000€ e dotarase de saneamento a outras 12 vivendas.
