O Goberno local vén de aprobar o inicio do expediente da segunda fase da urbanización do PERI de San Roque, que suporá a mellora das rúas Calaza e Forno. O alcalde estimou que este ano estarán contratadas e executadas as obras.
Trátase dunha «zona moi deteriorada», explicou Abel Caballero, quen lembrou que a primeira fase da urbanización do barrio xa comezou coa elaboración do proxecto de reforma da parte traseira do novo centro comercial de Pizarro e a comunicación coa rúa Colombia. Ademais, o Concello promove a primeira fase da humanización da nomeada rúa con case medio millón de euros de orzamento.
