Esta iniciativa, sinalou o alcalde, forma parte dos 2.532.000€ que adica o Concello este ano ao efecto, partida que se incrementa este ano con respecto aos 2,4 millóns de 2017.
Segundo estipulan as bases, os solicitantes deben estar empadroados en Vigo durante 3 anos, cando menos, e cumprir cos requisitos de renda esixidos. Os interesados poden presentar a súa petición no Rexistro do Concello nos vinte días hábiles tras a publicación oficial da convocatoria, que será resolta e notificada en tres meses.
Na convocatoria do pasado ano, o Goberno municipal concedeu 1.947 axudas económicas para pago de alimenos, outras 1.898 para abonar gastos de enerxía nas vivendas e 1.454 para alugueres e hipotecas.
Teleasistencia
Así mesmo, o goberno vigués deu luz verde á clasificación de ofertas do servizo de teleasistencia domiciliaria. Segundo lembrou o alcalde, o Concello reserva máis de 93.000€ para un contrato dun ano no que se ofrece apoio domiciliario ás persoas maiores, as 24 horas do día e os 365 días do ano.
Caballero sinalou que actualmente se benefician deste servizo municipal un total de 550 persoas, das que 448 son maiores de 80 anos e 501, mulleres.
