A Asociación Veciñal de Teis e de Chapela, convocan conxuntamente unha concentración este venres,día 17 de novembro ás 7 e media da tarde, na rotonda de Padín, para esixir do Goberno central e da Xunta de Galicia, converter en vía urbana a AP-9 no tramo de aceso a cidade de Vigo desde Padín, a supresión da peaxe no tramo Rande- Vigo e medidas contra a contaminación acústica que provoca a AP-9.
As súas asociacións salientan que “a conversión en vía urbana a AP-9, permitiría mellorar as comunicacións nos barrios de Teis e Chapela e desconxestionar parte do trafico que padecemos ambas parroquias”.
En todo caso, entenden, a vía urbana deberá ser desde onde comeza o termo municipal de Vigo, desde as Torres de Padín e non limitalo só desde a Avenida de Buenos Aires, como propoñen outras entidades, como o Goberno local de Vigo.
A Asociación Veciñal de Teis e Chapela, tamén considera necesario eliminar a peaxe no tramo Rande-Vigo, “despois de 35 anos desde a apertura da AP-9, seguimos pagando por este tramo que forma parte do aceso á cidade de Vigo, cando outras cidades galegas carecen de peaxe nos seus acesos”.
Por último, creen que tamén é moi preocupante a situación da veciñanza que reside nas proximidades da AP-9, polo ruido provocado pola autoestrada. “Despois de 35 anos desta autoestrada, non consta ningún actuación por parte da concesionaria ou por parte da administración, para reducir a contaminación acústica”.
