O incendio forestal rexistrado na parroquia de Fumaces, no concello de Riós, quedou extinguido este martes a última hora tras queimar peto de 24,5 hectáreas, segundo os datos de Medio Rural.
O lume, que comezou pasadas as 4 da tarde do luns, arrasou esa superficie da cal unhas 17 hectáreas son de arborado. Na extinción das lapas traballaron un técnico, oito axentes, 25 brigadas, 12 motobombas, unha pa, oito helicópteros e tres avións.
