Vigo al día

‘Unha bici, un sorriso’ xa ten recollido máis de 1.300 bicicletas

Este Nadal chega unha nova edición do programa ‘Unha bici, un sorriso’, un proxecto solidario impulsado pola asociación A Golpe de Pedal e polo Concello de Vigo a través do que se recollen bicicletas en desuso que se poñen a punto para ser entregadas a familias con poucos recursos.

Aínda que o programa funciona todo o ano, en Nadal faise unha entrega especial. Así, o alcalde de Vigo, Abel Caballero, fixo un chamamento a todos os vigueses a que doe as bicicletas que non use para que se poidan arranxar e entregar a outras familias. Toda a información, no teléfono municipal do 010.

No que leva funcionando, o programa xa ten recollido máis de 1.300 bicicletas, das que se repararon o 80% e o resto foron empregadas para reutilizar as pezas. Ao longo do ano o Concello doa ás familias entre 60 e 70 bicicletas, cunha entrega especial coincidindo coa chegada dos Reis Magos.

No proxecto cooperan nestes momento 15 tendas viguesas: Anca, Biciocon, Bicitotal (Coruxo e Travesas), Cero Emisiones, Cromoly, Duranbike, Galicia en Bici, Gonzalo Aguiar, Máis que bicis, Nbike, SportPAsion, Trek, VigoBike e Xtrembike, que ademais de encargarse das reparacións funcionan como punto de recollida das doazóns.

 

También te puede interesar