Vigo al minuto

A asociación Achega rompe barreiras sobre o deporte adaptado en Vigo

achegaA asociación Achega quere romper todas as barreiras sobre o deporte adaptado cun novo proxecto que chega este luns 3 de outubro a Vigo. O Colexio Labor acollerá a partir das 10.30 horas  unha xornada coa que promocionar este deporte, sensibilizar e concienciar á sociedade ensinándolles sobre todo aos mozos e mozas que é o deporte adaptado dun xeito teórico e práctico.

A través deste proxecto, a asociación tamén quere que a sociedade coñeza o que é convivir cunha discapacidade e que comprenda que coas ferramentas axeitadas calquera persoa é quen de alcanzar o benestar, independentemente da súa condición física ou psíquica.

‘Achegando o deporte adaptado á mocidade’ pretende ser unha campaña de sensibilización e concienciación a través da práctica dos distintos deportes adaptados, que lles axudará mellorar o desenvolvemento persoal: físico (a través da práctica deportiva: psicomotricidade, equilibrio), social (traballo en equipo, entrenamento de habilidades sociais, comunicación) e intelectual (atención, lateralización, adaptación ao medio, linguaxe).

Achega levará este proxecto a tres colexios máis de Ourense (5 de outubro), Lugo (7 de outubro) e Santiago de Compostela (13 de outubro).

 

También te puede interesar