Falta apenas unha semana para que arranque o Trofeo de Fútbol Concello de Redondela, que este ano conta como novidade co cambio de datas. Ata o de agora o campeonato celebrábase en pretemporada, datas nas que todavía moitos planteis non estaban ao 100% confeccionados e con falta de rodaxe. Por este motivo, despois de consensualo cos clubs, a partir deste ano celebrarase en outubro para «gañar en identidade e competitividade».
Ente ano a competición desenvolverase no campo do Chapela CF, mentres que para o vindeiro tocaralle o turno ao do Atlético Vilar. A fase previa comezará o mércores 5 de outubro ás 21.00 horas con enfrontamento entre o Chapela e o Atlético Vilar, do que soamente un pasará á seguinte fase.
O martes 12 de outubro terá lugar a primeira semifinal ás 10.00 entre o CD Choco e o CD Cesantes e a segunda semifinal ás 12.00 horas entre o gañador da fase previa e o AD Peña Beretes. A final será ás 19.00 horas.
