Imaxes: Vigoalminuto/ Miles de persoas ateigan Redondela desde primeira hora da tarde deste sábado para disfrutar dunha das festas máis esperadas do ano, o tradicional Entroido de Verán, que este ano chega á súa décimo novena edición con moitos disfraces, música, diversión e troula para grandes e pequenos.
Esta edición os pequenos e pequenas da casa serán uns dos grandes protagonistas, xa que coa maioría de idade cumprida o Entroido de Verán quere prestar máis atención ao público familiar e alonxarse da imaxe de festa ligada ao alcol.
Dende as 17.00 horas, todo o centro da vila permanece pechado ao tráfico e aberto ao público, que desfrutará ata ben entrada a noite de actividades infantís, música na rúa e dj’s que amenizarán a velada ata a madrugada. Entre as actividades para os máis pequeno, disfraces, máscaras, pallasos, maquillaxe, globoflexia e mesmo baile.
Calcúlase que máis de 25.000 persoas pasarán ao longo da tarde e da noite pola vila, polo que para garantir a seguridade de todas estas persoas acotouse con vallas a zona de concertos, con vixilantes de seguridade para controlar que non se meten no recinto obxectos perigosos.
Cun orzamento de 65.000 euros, este ano o Entroido de Verán acollerá a sexta Gala de Drag Queens e terá como prato forte esta noite a actuación das K-Narias.
