A Consellería de Medio Ambiente informa de que se veñen de desactivar os avisos por superación do limiar de atención por concentración de ozono no aire. Dita situación afectaba á calidade de aire dos concellos de Ponteareas, O Porriño, Santiago de Compostela e As Pontes. Neste intre, só Santiago de Compostela está en valores próximos ao limiar de atención.
Por iso, os técnicos da Rede de Calidade do Aire permanecerán alerta, comprobando a tempo real a validez dos datos emitidos polos analizadores situados en toda Galicia, que son actualizados cada hora. En calquera caso, non é previsible que a situación empeore en ninguna das estacións de calidade do aire.
O ozono é un gas incoloro e inodoro que se xera na troposfera a través de reaccións fotoquímicas, é dicir, en presenza de luz solar, entre certas substancias chamadas precursores. Os niveis máis altos de ozono troposférico prodúcense durante o período estival, con altas temperaturas e maior radiación solar, polo que é normal para a época do ano e a situación anticiclónica destes días.
