O Concello puxo en marcha este xoves o ‘Programa contra Desafiuzamentos e de Emerxencia Social’ co que, segundo o alcalde, «dende hoxe mesmo están dispoñibles 800.000 € para atender de forma manifesta os desafiuzamentos que vaian xurdindo» en Vigo.
Abel Caballero adiantou que os servizos de Benestar Social municipais están atendendo xa a dúas familias de Vigo que están en risco de perder a súa vivenda e referiuse ao caso dado a coñecer estes días a través dos medios de comunicación apuntando que esta familia «leva un ano sendo atendida polo Concello. Estamos falando e axudándoa».
