En Galicia, o Partido Popular perde 5 dos 15 deputados e preto de 300.000 votos en relación coas Eleccións Xerais de hai catro anos, quedando con 10 asentos no Congreso dos Deputados, segundo os datos do Ministerio do Interior; A Marea faise con 6 escanos e o pouco menos de 384.000 votos-o 25% do total– e adianta ao PSdG, que obtén os mesmos asentos no Congreso, 6, cun 21,5% de apoio e 330.000 sufraxios.
Ciudadanos terá un representante galego no Congreso, grazas a 138.000 votos e o BNG-Nós queda sen representación no parlamento do Estado e perde 120.000 votos, pasando dos 184.037 que obtivo en 2011 a pouco máis de 66.000 hoxe.
