Axentes da Policía Nacional están convocados este xoves polo Sindicato Unificado da Policía (SUP) a concentrarse diante da sede das subdelegacións do Goberno das catro provincias galegas (ás 11 da mañá) para esixir máis medios materiais e máis efectivos para poder facer o seu traballo.
O SUP denuncia unha falla «importante» de material, posto que máis da metade dos axentes non teñen un chaleco interior personalizado; tamén advirten de que non teñen á súa disposición armas non letais-entre a pistola e os medios de defensa- e critican a falla de persoal.
O sindicato sinala que comisarías como a de Vigo non teñen a diario o número de efectivos que precisan e que os postos de traballo que existen están mal dimensionados e son claramente insuficientes.
